Guilhem-A Adiu la còla !
Soi la valisa de Guilhèm. Me dison Maïté. Soi especialista dels viatges longs tala coma la Maïté televisada l’es de la cosina, e de las bonas ! Mas a la diferéncia pròchi que, ieu, fau fòrça espòrt ! Si, si, vos asseguri ! E coma per mon omonim me podètz pas mancar ! Mon volum d’encombrament val tranquillament la demesura de sa votz grèva que pòrta a 50 quilomètres. Aguèssetz ja, de l’ausir, las aurelhas petadas qualques jorns, vos pòdi dire que per ieu son los braces que cargan. Mas res de grèu en vertat !
Me’n vau de Bordèu cap a Besièrs, de Gasconha cap a Lengadòc, la crotz occitana pegada a la pèl, coma la lenga plan penjada de ma collèga originària de Riu de las Lanas.
Doncas, se prenètz la veitura, l’autobus o lo tren, me poiretz trapar per suspresa. L’esportiva Maïté vos botarà l’ambient e vos farà petar lo cap !
Guilhèm Arbiol e la còla
