Milena-G Afogada de sciéncia ficcion, vos presenti la seria DARK que me faguèt viatjar pels tempses.
En 2019, lo policièr Ulrich Nielsen cèrca lo filh desaparegut, Mikkel 12 ans, de badas. Trenta tres ans mai d’ora, en 1986, es lo fraire que desapareguèt dins de circonstàncias misteriosas. Dins la vila de Winden, 4 familhas ensajan de resòlvre los mistèris d’aquesta region. Las enquèstas dels policièrs e d’unes vilatgeses meton en lum una istòria que torna començar cada trenta tres ans. Los eveniments se debanavan en 1953, 1986 e 2019 e son estreitament ligats. Las recèrcas menadas per trapar lo colpable de las disparicions van pauc a cha pauc revelar los secrets d’aqueste vilatjòt que fins ara èra plan suau.
Passaretz d’una epòca a l’autra, amb las consequéncias de las accions e de las causidas passadas. Quines son los eveniments ligats entre eles dins los tempses ? De qué van daissar coma traças dins l’istòria dels vilatgeses ? Qual es lo colpable e sustot perqué ?
Milena Galinièr e la còla
