Torrin a l’alh tradicional

Ingredients (per 3 personas)

  • 10 a 12 grans d’alh 
  • 1 ceba
  • 1 culhièr a sopa de graissa de guit
  • 1 culhièr a sopa de farina
  • 1 litre d’aiga
  • 1 uòu
  • qualques gotas de vinagre
  • sal, pebre
  • qualques lescas de pan sec

Preparacion

1 – Espelucar las gòlças d’alh e la ceba. Dins una caçairòla, metre a fondre a fuòc docet la graissa de guit. Ajustar las gòlças d’alh e la ceba, los laissar lentament blondir totjorn a fuòc docetpendent almens 5 minutas en remenant de temps en temps.

2- Ajustar la farina quand la mescla se colora en remenant regde, duncas a omogeneitat. Ajustar sens esperar l’aiga pauc a pauc en bolegant per evitar los grumèls. Metre la sal e lo pebre generosament e daissar còser pendent 30 minutas doçament.

3- Pendent aqueste temps, separar lo claret del mojòl de l’uòu, e i ajustar las qualques gotas de vinagre. Mesclar. Escampar un pauc del bolhon abans de còser dins aquesta mescla.

Quand bolhís incorporar la mescla (mojòl, vinagre, bolhon) dins lo bolhon sul fuòc, en remenant. Rectificar l’adobatge se n’i a de besonh.

Per acabar aquel torrin, portar a bolh, en tot bolegar. Mixar puèi ajustar en filat fin la glària. Vojar sus la lesca de pan sec. 

Facultatiu : metre de fromatge en mai dins la sopa 

Es lèst !

Astúcia del cap : fai chabròl ! 

A la fin de ton repais daissas un pauc de bolhon e botas un pauc de vin roge. 

Es la revirada de la recèpta de Cuisine journal de femme, lo nom de l’autor es Isabelle Agnély.

Melania Issartier e la còla

Articles recommandés

1 commentaire

  1. Se fa fòrça dins Tarn, mas lo papet botava lo vin tre la debuta XD

Laisser un commentaire

Votre adresse e-mail ne sera pas publiée. Les champs obligatoires sont indiqués avec *