Milena-G Vos presenti un exercici qu’experimentèri pendent un estagi de tecnica vocala. Es aisit, rapid e vos permetrà de veire la vida per de colors mai agradivas !
Primièr, vos cal installar las vòstras mans de cada costat del cap ; los dets se devon crosar darrièr lo vòstre copet, e los poces son cotats de cada costat.
Puèi, vos cal prene quatre respiracions de las longas en agachant a man esquèrra. Mèfi ! Lo cap demòra de fàcia e bolega pas !
Prenètz puèi una respiracion en agachant tot drech e quatre en agachant a man drecha.
Acabaretz amb una respiracion de fàcia. Es plan d’aver una respiracion prigonda.
Aquel exercici deu activar lo nèrvi vague, çò que vos procurarà una sensacion d’apasiment que me’n diretz de nòvas !
Marlèna Longelin e la còla
Mercés. Que poderém ensajar en classa. Dab los escolans que pòt estar lo parat de’s pausar tranquilament.
E cric e crac, apasimat!
Mercé!