{"id":681,"date":"2022-06-30T11:51:31","date_gmt":"2022-06-30T09:51:31","guid":{"rendered":"https:\/\/jornal.aprene.org\/Aici-ara\/?p=681"},"modified":"2022-06-30T11:51:35","modified_gmt":"2022-06-30T09:51:35","slug":"primiers-passes-defora","status":"publish","type":"post","link":"https:\/\/aici-ara.aprene.org\/index.php\/2022\/06\/30\/primiers-passes-defora\/","title":{"rendered":"Primi\u00e8rs passes def\u00f2ra&#8230;"},"content":{"rendered":"\n<p>L\u2019ist\u00f2ria comenc\u00e8t a la lectura d\u2019un article que me pertoqu\u00e8t&#8230; Non, comenc\u00e8t ja l\u2019an passat quand voli\u00e1i sortir amb la classa de mairala a Galhac, mas que sabi\u00e1i pas coss\u00ed sortir en securitat amb de pichonets&#8230; Benl\u00e8u comenc\u00e8t amb lo trabalh de desvelopament durable que fargu\u00e8rem amb Lucila per la Region ? O alara d\u2019annadas abans, quand passavi lo temps def\u00f2ra, los p\u00e8s dins lo riu o sus las brancas dels arbres.<\/p>\n\n\n\n<p>Fin finala, qu\u00e9 nos imp\u00f2rta ont l\u2019ist\u00f2ria comen\u00e7a ? L\u2019important n\u2019es de la comen\u00e7ar :<\/p>\n\n\n\n<p>vos v\u00f2li contar mon caminament cap al \u00abSortir de la classa\u00bb.<\/p>\n\n\n\n<p>Pendent mon annada de novel\u00e0ria a Galhac, avi\u00e1i plan enveja de sortir amb los enfants&#8230; Mas coss\u00ed sortir quand lo pargue d\u2019a costat a tres portals dob\u00e8rts sus la rota ? Amb d\u2019enfants de TPS que bolegan e corrisson dins totes los senses en debuta d\u2019annada ? E coss\u00ed organizar una sortida pedagogica al mus\u00e8u o a la b\u00f2ria a l\u2019ora que tot \u00e8ra tancat per causa de la covid ? Alara, sortigu\u00e8rem pas qu\u2019en fin d\u2019annada amb la coll\u00e8ga, per anar al cin\u00e8ma pu\u00e8i per visitar la vila (en occitan se vos plai !) amb lo guida del patrim\u00f2ni. Tot se pass\u00e8t plan e los enfants se regal\u00e8ron ! Coma qu\u00e9, sortir de la classa s\u2019apren, pels enfants coma pel regent.<\/p>\n\n\n\n<p>Ongan, una de las causas mai dificilas per ieu fogu\u00e8t de demorar en vila. Rod\u00e9s, Besi\u00e8rs, Tolosa, tre que podi\u00e1i sortissi\u00e1i&#8230; mas la natura \u00e8ra lu\u00e8nh. Alara, quand tomb\u00e8ri sus l\u2019article de <em>Nature et Progr\u00e8s<\/em> cap a l\u2019educacion a l\u2019environament, saut\u00e8ri dess\u00fas ! Benl\u00e8u me podi\u00e1 portar de claus per saupre coss\u00ed articular mon desir de natura amb la classa. Apu\u00e8i, tot s\u2019encaden\u00e8t : Lucila nos demand\u00e8t de fargar un trabalh sul desvelopament durable e causigu\u00e8ri de parlar de \u00absensibilizacion a la natura pels escolans\u00bb ; comenc\u00e8ri mas rec\u00e8rcas e legigu\u00e8ri un article sus las caminadas en classa ; Eric Lheritier present\u00e8t son \u00abProj\u00e8cte Caminada\u00bb al Congr\u00e8s e me pens\u00e8ri \u00ab\u00d2c ben, es plan aqu\u00f2 que v\u00f2li far !!\u00bb.<\/p>\n\n\n\n<p>Lo trabalh de desvelopament durable fogu\u00e8t l\u2019escasen\u00e7a de formalizar mas soscadissas, e de religar \u00e7\u00f2 vist dins l\u2019annada :<\/p>\n\n\n\n<p>&#8211; las sesilhas \u00absortir de la classa\u00bb fan de las sortidas una institucion de la classa e nos encoratjan a nos i escampar ;<\/p>\n\n\n\n<p>&#8211; la sesilha sul viu amb Joan-Franc\u00e9s Albert e Sebastian Oules met\u00e8t en abans tot \u00e7\u00f2 que p\u00f2t portar l\u2019observacion del viu per la classa, dins una multitud de domenis ;<\/p>\n\n\n\n<p>&#8211; las sortidas amb Marjolaine Joly az-Albi, Maria-P\u00e8ire Cransac a Rod\u00e9s e Muriel Deroux a Tolosa me rassegur\u00e8ron cap a la securitat per carri\u00e8ra. E m\u2019aprengu\u00e8ron que me cal pas cussonar lo cap : anar al pargue culhir de marrons e gaitar los esquir\u00f2ls n\u2019es la sor\u00e7a d\u2019un fum d&rsquo;aprendissatges !<\/p>\n\n\n\n<p>&#8211; una sesilha suls aik\u00fas japoneses p\u00f2t \u00e8stre l\u2019escasen\u00e7a de sortir e veire l\u2019environa d\u2019un u\u00e8lh diferent : lo casse en naut de la cort ven un vi\u00e8lh\u00f2t qu&rsquo;obs\u00e8rva los enfants amb seri\u00f3s e suaudor.<\/p>\n\n\n\n<p>Aqueste trabalh me permet\u00e8t tanben de far ligam amb los escriches d\u2019ancianas calandrinas. Un mem\u00f2ri cap al \u00abSortir de la classa\u00bb, un autre cap al \u00abCaminar amb una classa de mairala\u00bb, un libre per integrar la natura dins l\u2019esc\u00f2la&#8230; ser\u00e0n autant de claus per perseguir mon camin !<\/p>\n\n\n\n<p>En fin d\u2019annada, avi\u00e1i l\u2019impression d\u2019aver pas f\u00f2r\u00e7a mati\u00e8ra cap a mon \u00abSortir de la classa\u00bb. Paur de sortir a la debuta, pas de classa verda, doas sortidas l\u2019an passat&#8230; Mas i vau. I vau tranquilla, pas a pas, sortissi lo nas, lo det, lo coide, lo p\u00e8&#8230; E ara sabi ont v\u00f2li anar, alara a un moment me disi que sortirai tot enti\u00e8ra \u2013 amb los enfants a mon costat !<\/p>\n\n\n\n<p>Elis\u00e0 Sigaud<\/p>\n\n\n\n<div style=\"height:59px\" aria-hidden=\"true\" class=\"wp-block-spacer\"><\/div>\n\n\n\n<figure class=\"wp-block-image size-large is-resized\"><img loading=\"lazy\" decoding=\"async\" src=\"https:\/\/aici-ara.aprene.org\/wp-content\/uploads\/2022\/06\/article_primiers_passes_defora2jpg-768x1024.png\" alt=\"\" class=\"wp-image-684\" width=\"435\" height=\"580\" srcset=\"https:\/\/aici-ara.aprene.org\/wp-content\/uploads\/2022\/06\/article_primiers_passes_defora2jpg-768x1024.png 768w, https:\/\/aici-ara.aprene.org\/wp-content\/uploads\/2022\/06\/article_primiers_passes_defora2jpg-225x300.png 225w, https:\/\/aici-ara.aprene.org\/wp-content\/uploads\/2022\/06\/article_primiers_passes_defora2jpg-1152x1536.png 1152w, https:\/\/aici-ara.aprene.org\/wp-content\/uploads\/2022\/06\/article_primiers_passes_defora2jpg-45x60.png 45w, https:\/\/aici-ara.aprene.org\/wp-content\/uploads\/2022\/06\/article_primiers_passes_defora2jpg.png 1200w\" sizes=\"auto, (max-width: 435px) 100vw, 435px\" \/><\/figure>\n","protected":false},"excerpt":{"rendered":"<p>L\u2019ist\u00f2ria comenc\u00e8t a la lectura d\u2019un article que me pertoqu\u00e8t&#8230; Non, comenc\u00e8t ja l\u2019an passat quand voli\u00e1i sortir amb la classa de mairala a Galhac, &hellip; <\/p>\n","protected":false},"author":11,"featured_media":695,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[3,9],"tags":[],"class_list":["post-681","post","type-post","status-publish","format-standard","has-post-thumbnail","hentry","category-articles","category-passejada"],"_links":{"self":[{"href":"https:\/\/aici-ara.aprene.org\/index.php\/wp-json\/wp\/v2\/posts\/681","targetHints":{"allow":["GET"]}}],"collection":[{"href":"https:\/\/aici-ara.aprene.org\/index.php\/wp-json\/wp\/v2\/posts"}],"about":[{"href":"https:\/\/aici-ara.aprene.org\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/aici-ara.aprene.org\/index.php\/wp-json\/wp\/v2\/users\/11"}],"replies":[{"embeddable":true,"href":"https:\/\/aici-ara.aprene.org\/index.php\/wp-json\/wp\/v2\/comments?post=681"}],"version-history":[{"count":1,"href":"https:\/\/aici-ara.aprene.org\/index.php\/wp-json\/wp\/v2\/posts\/681\/revisions"}],"predecessor-version":[{"id":697,"href":"https:\/\/aici-ara.aprene.org\/index.php\/wp-json\/wp\/v2\/posts\/681\/revisions\/697"}],"wp:featuredmedia":[{"embeddable":true,"href":"https:\/\/aici-ara.aprene.org\/index.php\/wp-json\/wp\/v2\/media\/695"}],"wp:attachment":[{"href":"https:\/\/aici-ara.aprene.org\/index.php\/wp-json\/wp\/v2\/media?parent=681"}],"wp:term":[{"taxonomy":"category","embeddable":true,"href":"https:\/\/aici-ara.aprene.org\/index.php\/wp-json\/wp\/v2\/categories?post=681"},{"taxonomy":"post_tag","embeddable":true,"href":"https:\/\/aici-ara.aprene.org\/index.php\/wp-json\/wp\/v2\/tags?post=681"}],"curies":[{"name":"wp","href":"https:\/\/api.w.org\/{rel}","templated":true}]}}